Z Drjejc/Drewitz. Wjeliki nawal jo se kněžył 7. maja we wejsnem źěle Drjejce, kenž słuša k Janšojcam. Ralf Braun, pśedsedaŕ Žarjabnice Sprjewja-Nysa, jo wósobinski mimo pśišeł, aby šek we wusokosći wót 5.000 euro spěchowańskemu towaristwoju pśepódał za zdźaržanje drjejcańskeje wejsneje cerkwje. Wón jo wuzwignuł, až region jo žywy z pomocu luźi, kótarež gromadu źarže, zagronitosć pśewzeju a gódnoty wuchowaju, pśeto jo cerkwja kšuty wobstatk wejsnego žywjenja. Z pósćiwanku pśinosujo Žarjabnica k tomu, až toś te wósebne městna wóstanu w pśichoźe źaržane. Teke za krajnego raźca Harald Altekrüger jo to był za swój slědny źěłowy źeń gódny nadawk do Drjejc pśiś a wósebny wu-znam wejsneje cerkwje pódšmarnuś. Werner Richter, pśedsedaŕ spěchowańskego towaristwa, Christine Adamowa, pśesedaŕka wósadneje rady, wejsny prědkstojaŕ Ralf Wundke kaž wósebnje teke faraŕ Alexander Reinfeld su se žarjabnicy wuźěkowali za šćodru pósćiwanku.