Co wopśimjejo oktoberski casopis?

Mamy zasej w Płomjenju zwucowanja, wobraz za wumólowanje, memory-graśe, wokablowe kórtki, gódańka a žorty. Wušej togo pórucujomy recept za słodke placki w formje małych ježykow. Teke wulicowanje za wótsłuchanje jo w casopisu, tenraz wó nazymje. W comicu „Feliks a Florian“ cytamy wó dopołnjonych žycenjach a w drogowańskej reportažy wó Pieninach, górinach w Pólskej a Słowakskej.

Kótary artikel móžośo hyšći pśirucyś?

Artikel wó EUROPEAŹE, kopańcowem europskem mejstaŕstwje awtochtonych narodnych mjeńšynow. Młode lubowarje balokopanja zawěsće wěźe, co jo swětowe a europske mejstaŕstwo, ale w serbskem źiśecem casopisu comy, se wě, teke wó mejstaŕstwje mjeńšynow a wó doněntejšnych wuspěchach Serbow rozpšawiś. Chtož dokradnje artikel cyta a pósćelo redakciji Płomjenja wótegrona na tśi pšašanja k EUROPEAŹE (bok 25), móžo teke něco dobyś!

Balokopanje jo pitśku tema teke na slědnem boku Płomjenja ...