Ze Zeleneje Góry/Zielona Góra. Zakładna šula numer 13 w Zelenej Górje jo organizěrowała zgromadnje ze swójimi partnarjami, to groni ze Šulu za dolnoserbsku rěc a kulturu w Chóśebuzu, Domowinu a Uniju Ukrainarjow w Pólskej (Związek Ukraińców w Polsce-Zarząd Lubuski) konferencu k zespominanju projekta. Mjazynarodne zmakanje jo stojało pód motom „Na slědach Serbow“ a jo se zaběrało ze starymi graśami Słowjanow. Projekt jo se wót Euroregiona Sprjewja-Nysa-Bobr spěchował.

Wěcej ako 120 pśepšosonych gósći jo pśišło do Palmoweje rostlinaŕnje (Palmiarnia). Wóni su dožywili kradu wótměnjaty program z reju, pśednoskami a spiwanim.