Lube źiśi,

som dostała list z Mósta, ze źiśownje „W znamjenju lipy“:

„Dłujko južo smy kśěli źiwadło glědaś. Dwa raza smy to pśestarcyli dla chórosći. Ale 2. měrca jo było tak daloko: Smy gromadu pśišli do našogo źiwadła. Smy glědali a słyšali, kak wótkubłaŕki graju na serbski ten kus ‚Tśi małe tśinki’! To jo było kreatiwne a luštne. Iben Lotric jo te wótkubłaŕki nawjedowała a jo wulicowaŕka była. Wóna źěła w Dolnoserbskej kulturnej akademiji. Teke pjerwjej jo wóna angažěrowana była. Wóna jo pomagała pśestajaś. Jej słuša wjeliki źěk!