Z Górneje/Milkersdorf. Lětosa jo 30 pórikow se lětosa na zapustowem pśeśěgu w Górnej wobźěliło. Pó tradiciji su śěgnuli młoźinske a wóženjone póriki gromaźe pó jsy. K zachopku jo wordowało we jsy zgromadne foto wótmólowane. Pśi tom su wšykne južo byli dobreje mysli a kłobyki su zlětali. Mjazy pórikami jo była teke Hellmichojc swójźba. Tatjana Hellmichojc a jeje cłowjek Michael stej se wjaseliłej, až jeju góleśi Kristin a Oliver Hellmich-Rothe ze źiśiźiśoma Emil a Hedi su teke sobu gótowali. K wobźělnikam jo słušał teke direktor Bórkojskego amta Tobias Hantśil (Hentschel), ako w Górnej bydli. Dla tog jo teke był jogo dom prědna stacija zapustarjow. Muzikowe towaristwo „Trachtenkapelle Spremberg“ jo zapustarjow pśewóźowało. Pó woglěźe pla Hantśila su šli hyšći k dwěma dalšnyma stacijoma. Pśecej prědku jo była styrilětna Mara Böttcherojc ako nejmłodša wobźělnica pódla a jeje mama Anastasia.