Co maju serbske institucije bitowaś gymnaziastam?

Von Stefanie Krawcojc Donnerstag, 01. Dezember 2022
Michaela Zeisigowa (lěwa) a Emilia Nimcowa stej prezentěrowałej statkowanje Źěłanišća za serbske kubłańske wuwijanje Chóśebuz (ABC).
Z Chóśebuza/Cottbus. Slědnu srjodu su se serbske institucije pśedstajili gymnaziastam. We awli Dolnoserbskego gymnaziuma a we wokolnych śpickach su Nowy Casnik, Domowina, Załožba za serbski lud, Serbski institut, Serbski muzej a dalšne měli blido. Sobuźěłaśerje su wulicowali, kak źěłaju a kake nadawki maju. Zwětšego su wuknice a wukniki źewjetych rědownjow pśišli, a teke starše lětniki. Wjeliki zajm tych institucijow jo, až mógu młodych luźi wabiś ako sobuźěłaśerje. Uniwersita w Lipsku jo wabiła za studium sorabistiki. Zachopiło jo to zajtšo z pśednoskom. Měto Nowak jo wulicował wót powołańskich móžnosćow we serbskem swěśe a jo gronił: „Woglědajśo sebje swět, a pón pśiźćo znak do Łužyce!“ Wukniki su pśišli se pšašat k institucijam. Pla wjele jo był teke swójski zajm. To jo pśi bliźe Nowego Casnika było cuś. Pšašali su „Kake źěło maśo w redakciji, a kake wukubłanje?“ Zgónili su, až jo móžno pla Casnika praktikum absolwěrowaś. Šefredaktorka jo wužyła góźbu, aby se pla nich wobgóniś: Kaki dej waš Casnik byś, co cośo cytaś a glědajośo lubjej na nowycasnik.
(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen