Galway/Gaillimh. Pód motom „Minorities mean business – Wie eine andere Sprache und Kultur Investoren und Touristen anziehen kann“ jo 11. nowembera była we Galway/Gaillimh w pódwjacornej Iriskej ten šesty FUEN- Forum Europskich mjeńšynowych regionow. Forum se rozmějo tak, až rěc a kultura mjeńšynow pśinosuju ku góspodaŕskemu a towarišnostnemu wuwiśu we swójich stronach. Ten pśistup dej pówušyś politisku wagu mjeńšynowych stronow w Europskej uniji, a dej wliw na regionalnu spěchowańsku politiku wugbaś. Wušej togo deje take fory byś platforma za zgromadne źěło mjeńšynowych regionow a za wuměnu ku pśikładam we zmysle „best-practice“, což nastupa to zwězanje wót rěcneje rewitalizacije z góspodaŕskim wuwiśim.