Z Města/Cottbus. Wałtoru tyźeń jo intendant Serbskego ludowego ansambla (SLA), Tomas Kreibich-Nawka, był na woglěźe w Dolnoserbskem gymnaziumje (DSG). Z drježdźańskim basnikarjom Thomas Juriš (Jurisch) jo wón wuknikam rozkładł princip poetryslama. Poetryslam póchada z USA a jo mjaztym na cełem swěśe woblubowana forma lyriskego wuběźowanja. Ducent młodostnych ze seminarnego kursa (11. lětnik) ceptaŕki Colett Šampatisoweje jo był pódla, ako stej gósća pśedstajiłej pór tekstow w nimskej rěcy. Thomas Juriš jo cytał a intendant Kreibich-Nawka jo jogo pśewóźił na klawěrje.