Wót kokotow a pśěze

Von Marion Hirchowa Donnerstag, 13. Januar 2022
Nowemberske łopjeno pokažo pśězu w Janšojcach.     Repro: Marion Hirchowa

Z Picnja a Kopańc/Peitz und Neuhausen. Wóspjety raz jo Picański amt kalendaŕ wózjawił. Wón jo na pśikład dostaś w Picnju w turistiskej informaciji. Nutśi su fota a informacije wó wšych gmejnach, kótarež pśisłušaju tomu amtoju, wót góspodaŕstwa a Serbow we tych stronach. Pódla su fota pśěze w janšojskem muzeju, wót kokota w Turjeju, wót zapusta we Husu a Barbuku, jatšownych spiwaŕkow w Janšojcach a wót Janšojskego boga. Cytaŕ zgónijo něco wót dwójorěcnych toflow, serbskich šulow a źiśownjow.

Kalendaŕ pódšmarnjo gjardosć amta na serbske tradicije. „Serbske nałogi su kšuty źěl žywjenja w našych jsach, to jo dejało se pokazaś w kalendarju“, jo gronił Dirk Redies wót amta za turizm w Picnju.

(0 )
Bitte anmelden, um einen Kommentar zu posten