Z Města a Čornego Chołmca/Cottbus und Schwarzkollm. To aktualne, ga to tśeśe wudaśe fachowego casopisa za serbske pedagogi „Serbska šula“ jo wósebne wudaśe. Wóno se cele pśiwobrośijo lětosnemu 20-lětnemu jubilejoju Rěcnego centruma WITAJ (RCW). W tamnych pśinoskach pśedstajiju sobuźěłaśerje a sobuźěłaśeŕki budyšyńskego a chóśebuskego wótźělenja swóju wjeleraku a wažnu źěłabnosć za wobchowanje a rewitalizaciju dolnoserbskeje a górnoserbskeje rěcy, ga wósebnje w šulskem a pśedšulskem wobłuku. Wjednica RCW rozkłaźo we swójom zawjedujucem pśinosku, až złožuju se w RCW na wědomnostnje pśipóznaty koncept rěcnego planowanja, kótaregož głowne słupy su statusowe planowanje (k tomu słuša rěcna certifikacija pó pśipóznatej mjazynarodnej systematice), korpusowe planowanje (projekty kaž słownik „soblex“ a pśełožowański program „sotra“) a planowanje pśiswójenja rěcy (kaž kurse dalejkubłanja).