Aktualne terminy
Nižej nalicone terminy stoje teke w śišćanej wersiji Nowego Casnika wótśišćane.
Jolic měniśo, až znajośo wažny abo zajmny termin, kótaryž serbsku zjawnosć zajmujo,
a cośo jen našym cytarjam k wěsći daś, ga pósćelśo jen nam z e-mailom abo faksom
(glej menij „Redakcija“).
ŹO, GA, CO? ZAPISK TERMINOW (04/2012)
CHÓŚEBUZ/COTTBUS
Nowy Casnik se pśedstajijo
Chtož co něco zgóniś wó źěle redaktorow Nowego Casnika a wó źinsajšnych techniskich móžnosćach za śišć a wugótowanje dolnoserbskego tyźenika, ten daś pśiźo srjodu, 25. januara, zeger 17.00 do Medijowego domu LR na Droze młoźiny 54 (foyer).
Źěłowa kupka „Serbska namša“
Srjodu, 25. januara, zeger 16.00 zmakaju se cłonki źěłoweje kupki „Serbska namša“ na swójom prědnem wobradowanju w nowem lěśe w Chóśebuskej promštarni na Gertraudowej droze 1.
Zapust serbskich gymnaziastow
Stwórtk, 26. januara, zapustuju wuknice a wukniki Dolnoserbskego gymnaziuma (starše lětniki). Wótmarš wót šulskego dwóru do města buźo zeger 12.30.
Stacije budu mjazy drugim: Dolnoserbski internat (12.50), serbske radijo rbb (13.30), Chóśebuska radnica (13.50), Serbski dom (15.25), Blechen-Carré (15.45), reja wokoło studnje na Grodkojskej droze (16.00) a Serbski muzej (16.45). Zapustojski bal swěśi se zeger 18.30 w kafejteriji DSG.
DEŠNO/DISSEN
Kreatiwnej kursa
Domowniski muzej Dešno póbitujo až do apryla wšakorake kurse rucnego źěła z Petru Kuschoweju, a to pśecej srjodu zeger 15.00-17.00. Na 25. januaru móžośo basliś tekstilne ptašacki k powjesenju.
TURJEJ/TAUER
Woklapnica
Pětk, 27. januara, zeger 19.00 wótmějo se woklapnica w gósćeńcu „Am Dorfteich“. Buźo to ta prědna we tej jsy.
ROGOW/HORNO
Lětna głowna zgromaźina
Sobotu, 28. januara, zeger 18.00 su cłonki Domowinskeje kupki Rogow pśepšosone na lětnu głownu zgromaźinu do kjarcmy „Dorfkrug“. Wó starem lěśe rozpšawijo pśedsedarka Petra Šymcowa. Zgromaźinu buźo muzikaliski pśewóźowaś serbska kupka „Wólbernosće“.
WJERBNO/WERBEN
Camprowanje a jubilejny zapust
Sobotu, 28. januara, zeger 8.00 zmakaju se fryjne a ženjone camprowarje w hotelu „Ku gwězdźe“. Wót how se wupóraju nejpjerwjej na bliske swěźenišćo, źož se zestupaju za dopomnjeńske foto. Pó camprowanju zmakaju se wšykne na jěźenje nazběranych jajow w hotelu.
Sobotu, 4. februara, swěśe Wjerbańske pśi góźbje 20lětnego wobstaśa tradiciskego towaristwa jubilejny zapust. Zmakanišćo za ženjone póry jo zeger 12.30 pśed domom wognjoweje wobory. W někak samem casu zmakaju se gólcy w hotelu „Ku gwězdźe“ a źowća w Smalic kjarcmje. Gólcy pójdu pón za źowća a śěgnu gromaźe z nimi k domoju wognjoweje wobory, źož budu wokoło zeger 13.00. Pó cesnych rejach wupóra se pśeśěg nejpjerwjej k fararjeju.
SLĚPE/SCHLEIFE
„Zapust“ ze Serbskim folklornym ansamblom Slěpe
Sobotu, 28. januara, zeger 18.00 wugótuju spiwarje, rejowarje a gerce Serbskego folklornego ansambla Slěpe rozdrosćecy program pód moto „Nałogi-Drastwy-Tradicije k zapustoju“ w Serbskem kulturnem centrumje. Kórtka płaśi 10,00 €. Kórtki su na pśedań w SKC.
Ptaškoswajźbarski program
Lětosny ptaškoswajźbarski program za dorosćonych wjeźo nas do Slěpjańskich stron. Serbski ludowy ansambel Budyšyn wustupijo njeźelu, 5. februara, zeger 15.00 w Serbskem kulturnem centrumje. Program buźo w serbskej rěcy, pó žycenju se póbitujo simultane pśestajenje. Zastupna kórtka płaśi pśi wjacornej kasy 14 €, w pśedpśedani 12 €, pónižona 10 €.
GÓRY/GUHROW
Kurs za woblekanje drastwy
Stwórtk, 2. februara, zeger 18.30 pśewjeźo se kurs za woblekanje serbskeje swěźeńskeje drastwy na zapust w sportarskem domje. Wšo derje pokazaś a rozkładowaś buźo šlodarka ludoweje drastwy Johanna Zapjacowa z Rubyna. Pšosym pśinjasćo sobu swój cypjel a głowkate glicki.
GÓRNA/MILKERSDORF
Kurs za woblekanje na zapust
Tudejšy swěźeński komitej, ako pśigótujo 100. zapust w Górnej, a Šula za dolnoserbsku rěc a kulturu póbitujotej kurs za woblekanje serbskeje swěźeńskeje drastwy. Termin jo srjodu, 25. januara, zeger 18.00-20.45. Městno zarědowanja: sportowy klub.
Šlodarka Johanna Zapjacowa z Rubyna buźo se wósebnje koncentrěrowaś na lapu, šorcu a cypjel. Kursistki mógu wuknuś, kak se zwjerchny źěl cypjela pšawje ropkujo a kak mógu šerpu pšawje wězaś a pśitkaś šlejfu. Pšosym swóje cypjele, pasykowu měrku a glicki sobu pśinjasć.
________________________
Głowna zgromaźina Domowiny-župa Dolna Łužyca z.t.
pětk, 27. januar 2012 zeger 17.00 w gósćeńcu „k Lipje“ w Cazowje
Dnjowny pórěd:
– wuwitanje a wobzamknjenje dnjownego a jadnarskego pórěda
– kulturny program
– rozpšawa wó źěle župy pó 20. głownej zgromaźinje
– rozpšawa wó financach župy
– rozpšawa rewizijneje komisije
– diskusija
– film „100 lět Domowina“ wuknikow DSG
– wšakorakosći
– kóńcne słowa županki
Gósći su wutšobnje witane!
dr. M. Norbergowa, županka
_________________________
Zapustowe pśeśěgi 2012
Stwórtk, 26. januar:
– w Chóśebuzu/Cottbus (Dolnoserbskego gymnazija)
Sobotu, 28. januar:
– w Strobicach/Ströbitz (fryjne a ženjone)
Njeźelu, 29. januar:
– na Górach/Guhrow
– w Prjawozu/Fehrow
– w Rogoznje/Willmersdorf
Sobotu, 04. februar:
– w Janšojcach/Jänschwalde
– w Rogowje/Horno (fryjne a ženjone)
– w Nowej Niwje/Neu Zauche
– w Wjerbnje/Werben (fryjne a ženjone dla 666.wejsnego jubileja)
Njeźelu, 05. februar:
– w Limbarku/Limberg
– w Smogorjowje/Schmogrow
– w Drjenowje/Drehnow
Sobotu, 11. februar:
– w Dalicu/Dahlitz (fryjne a ženjone)
Njeźelu, 12. februar:
– w Běłej Górje/Byhleguhre
– w Kósobuzu/Kunersdorf
– w Strjažowje/Striesow
– w Myšynje/Müschen
– w Žylowje/Sielow (155. zapust)
– w Turjeju/Tauer
Sobotu, 18. februar:
– w Popojcach/Papitz (fryjne a ženjone)
Njeźela, 19. februar:
– w Bobowje/Babow
– w Hochozy/Drachhausen
Pětk, 24. februar:
– w Radowizy/Radewiese (jano reja w drastwje)
Sobotu, 25. februar:
– w Górnej/Milkersdorf (100. zapust)
– w Zaspach/Saspow
– w Žylowku/Merzdorf (fryjne a ženjone)
– w Barbuce/Bärenbrück
Njeźelu, 26. februar:
– na Górach/Guhrow (135. zapust)
– w Kśišowje/Krieschow
– w Dešnje/Dissen
– w Škódowje/Skadow
– w Šlichowje/Schlichow
Sobotu, 3. měrc:
– na Majberku/Maiberg (fryjne a ženjone)
– w Cazowje/Zahsow (fryjne a ženjone)
Njeźelu, 4. měrc:
– w Brjazynje/Briesen
– w Turnowje/Turnow
Njeźelu, 11. měrc:
– w Husu/Maust (fryjne a ženjone)