Lětosna sezona za cołnowanje w Błotach jo se oficialnje zachopiła. W Lubnjowje, Lubinje a Bórkowach južo jěsnjej. Tam ga su casy južo w zymskem casu gósćam a turistam póbitowali jězdy z cołnami pó Sprjewi a pó drugich błośańskich tšugach a groblach. To groni, až tam pópšawem se ta sezona, ten cas za cołnowanje, śěgnjo pśez cełe lěto.
Tšochu hynac to wuglěda we tych mjeńšych pśistawach (wustawadlišćach), ako na Lipjem, w Radušu, w Bobolcach, w Starej Niwje a w Tšupcu. Wót tam ga móžoš cołnowaś jano wót apryla/maja do nazymy. Tak jo to teke w Nowej Niwje, źož su 1. maja z rědnym swěźenim w pśistawje stupili do noweje, lětosneje sezony za cołnowanje. Casnik jo tam pódla był a co źinsa pśedstajiś jadnogo z tamnych 13 cołnarjow. W pśiducem casu buźo w Casniku to grono wó dalšnych błośańskich cołnarjach.