Jatšowna noc jo była lětosa w Rubynje hynakša ako we slědnych lětźasetkach. Zawina jo, až jo tam było prědny raz pó někak 70 lětach zasej jatšowne spiwanje. Wót napoł pěśich w nocy jo śěgnuło sedym žeńskich pśez wjas, spiwajuce na někotarych stacijach we jsy, woblacone w carno-zeleno-běłej serbskej namšarskej drastwje spótnego casa. Młogego tych pśiglědarjow, ale teke wót spiwarkow samych, jo to spiwanje do łdzow gnuło.

Wokoło 1948 jo było w Rubynje slědny raz jatšowne spiwanje, jo wulicowała Casnikoju Anett Zušcyna, jadna tych sobuiniciatorkow. Ako wšuźi, jo było we tom casu teke w Rubynje pótom kóńc togo kśesćijańskego nałoga. Wósebnje rědnje jo, až jo jatšowne spiwanje 2017 zasej, w lěśe 700lětnego wejsnego jubileja.