Turjej/Tauer. Na zgromaźinje župy Dolna Łužyca pětk tyźeń jo Babett Zenkerowa, wacej znata ako wjednica dešańskego muzeja, wulicowała wót swójogo źěła ako zastupnica Domowiny w rozgłosowej raźe rbb. Mjazy drugim jo wóna pomogała, až ideja, magacin „Łužyca“ na dopołdnjejšy cas suwnuś, njejo se wuwjadła. Teke pśikrotcenjeju pjenjez za serbske studijo rbb jo pśemógała zadoraś. Wóna jo reagěrowała, gaž njepšawje rešeršěrowane pśinoski wó Serbach su se pokazali. Teke to, až wšake pśinoski za TV „Łužyca“ su se we nimskej rěcy synchronizěrowali a budu se teke nimskemu publikumoju pokazaś (na pśikład telewizijna pójsynoga z Anju Kochojc), słuša k jeje wuspěcham.