Źowća ze šesć nowymi lapami

Awtor: Horst Adam srjoda, 22. februar 2017
W zalu gósćeńca su póry rejowali a se pón dali na pśeśěg pó jsy. Fośe: Horst Adam

Z Gołbina/Gulben. We Wjerbnje a w Bórkowach jo to južo dlejšy cas dobry nałog, až se tam wósebnje źowća w radnej licbje k zapustoju stajiju lapu. Něnto pśiźo dalšna wjas k tomu. To jo Gołbin we wjelikogmejnje Gołkojce! Na lětosnem zapustojskem pśeśěgu ze 27 pórami smy licyli dogromady 13 lapow – 5 pla ženjonych, jadnu pla šulskego źowća a dogromady 7 pla młoźiny. A to slědne jo było rowno to nowe a zwjaselece, až ceła zapustowa młoźina ze 7 pórami jo se pokazała z lapu. Za šesć z nich jo to była samo premjera. Serbska šlodarka Johanna Zapjacarina z Rubyna ga běšo w zachadnych mjasecach za gołbinsku młoźinu 6 nowych lapow wězała a z gjardosću su źowća je nosyli. Domowinska župa Dolna Łužyca jo źěl togo zapłaśiła, a rowno to su zapustarje a teke wobydlarje wjelgin chwalili. Chwalbu wót wšych jo dostała rowno tak Rubynska młoda šlodarka, ako wjelgin derje wumějo lapy wězaś.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś