Gaž Wjerbanarje něco planuju a se na něco wusće, ga zgjarnu sebje rukawy a daju se do źěła. To sy mógał wuznaś na woklapnicy srjejź januara. Wjerbańska woklapnica jo ta jadna sama, na kótarejž njejsmy byli a wót kótarejež njejo nic w Casniku stojało. To comy něnto docyniś – my smy se rozgranjali ze šołtu Joachimom Dieke, kótaryž jo tejerownosći cłonk sportowego a tradiciskego towaristwa.

Wjerbno/Werben. „Telik projektow, tšojenjow a pśedewześow smy mógali wuwjasć jano z pomocu našych pilnych wobydlarjow a jich mudrych idejow“, tak jo 63lětny šołta Joachim Dieke se dopomnjeł na lětosnu woklapnicu.