Wótlěwa: Krajny raźc Harald Altekrüger, krajna zagronita za serbske nastupnosći Ulrike Gutheil, wjednik serbskego wuběrka Fred Kaiser a zagronita wokrejsa za serbske nastupnosći Kerstin Kossackowa su zgromadnje z tymi drugimi wobradowali. 
Dešański muzej jo póbitował za to wobradowanje idealny ramik: kradu góspodliwa atmosfera samo ze domacneju pjaconeju babu, tykańcom a skibkami. Kuždy jo se cuł tam derje a witany we tej pśijaznej serbskej atmosferje. Wjednica muzeja Babette Zenkerowa jo była woblacona w serbskej drastwje z lapu, a zastupnik „Starego luda“ Kornelius Kusch jo měł woblaconu rědnu muskecu drastwu ze srjejźowěka.
Toś ten pśijazny flair jo dobry był, aby pśibytne cłonki wuběrka, wěcywuznate bergarje a te gósci tšochu troštowane byli. Fakty, kótarež su pśepowědali na wobradowanju, ga njejsu wšykne spokojece a Serbam pśichylone byli.
