Turizmus škóźi, turizmus dej płaśiś

Jaden rybakaŕ z Bórkow jo w diskusiji měnił, až wina na ryjnych wobstojnosćach jo snadna kwalita wódy a turizmus. Wón jo naraźił, aby se pilnowali wó wustajenje maksimalneje kwoty za cołny a cołniki. Drugi rybakaŕ z Kuparskich Bórkow jo jomu zawoborał, měnjecy, až turizmus pśinjaso pjenjeze a wót njogo se cełe Błota žywje. Ale což mógali a dejali cyniś, jo: sebje wót turizma zarownanje škódow wupominaś. Na njen dej se połožyś wótewdank k lěpšemu rybacnych nastupnosćow.

Ekologiske projekty k lěpšemu rybow

Pla Prjawoza, we jadnej pśirěce Małkse, jo rybakarske towaristwo dało bagrowaś pśeryw k jadnomu dołoju, kótaryž njejo był wěcej z rěku zwězany. To jo był dobry statk, a něnto su tam ryby – jo pśedsedaŕ towaristwa Siegmund Lehmann znate cynił.