Aby larbu wótstajili, su dejali na blido zalězć

Awtor: Michelle Lehmannojc srjoda, 18. januar 2017

Škódow/Skadow. Band nAund jo tudy w Schirrgotojc kjarcmje sobotu tyźeń wjacor grała k wósebnej reji. Rozmjej: to jo był bal larbatych, ak se tudy kužde lěto pśewjeźo. Bóžko, jano źewjeśo (we tśich kupkach pó tśich) su pśišli z larbu na bal a su se wobźělili na wuběźowanju wó nejrědnjejšu a nejoriginelnjejšu larbu. Stakim jo se stała wjelgin rědka situacija, až kužda „larbata kupka“ jo mógała ned dwě myśe dobyś.

Bal jo se zachopił wósymich. Publikum jo pśišeł ze wšyknych wokolnych jsow. Zeger źewjeśich su te larbate se pśepokazowali publikumoju z muzikaliskim pśewóźowanim nAund. Až do zeger jadnasćich su wóni luźi k rejowanjeju pšosyli. Pśi tom rejowanju su musali wósebnje na to glědaś, až nicht jich njepóznajo. Mjazy spiwami su te larbate kupki měli móžnosć, se prezentěrowaś a z publikumom interagěrowaś. Wetom jo kuždy gósć cedlik dostał, źož jo dejał napisaś, kótare larby su za jogo zdaśim nejoriginelnjejše a kótare nejrědnjejše. Za to pak jo startowy numer notny był, dokulaž někotare luźe su nastupili to wuběźowanje gromaźe, ako jadna kupka.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś