Myšyn/Müschen. Pětk tyźeń, na tśoch kralow, su Myšynarje se w sportarskem domje zejšli na woklapnicu, aby gromaźe na zachadne lěto slědk glědali. Ako gósća stej pódla byłej bórkojska šołtowka Ira Frackmannowa a něgajšny wobydlaŕ Myšyna Manfred Brunke. Zastojarka jsy Christiane Pfaffowa jo zgromaźone pśez to zachadne lěto wjadła. Wjelgin zwjaselece jo, až młoźina jo naspjet se we wjelikej licbje na woklapnicy wobźěliła. Teke w zachadnem lěśe njejo ten wjeliki angažement myšyńskeje młoźiny a jeje šefowki nic pitśitśki pópušćił.