Až w Hochozy se wjele gibjo, což hynźi se zewšym z flaku njegnjo, to smy we zachadnosći južo cesćej nazgónili. Toś, nejskerjej budu Hochozarje teke tenraz swój wusoki cil dostaś. Togo jo šołta Fryco Wojto wěsty.

Nowy Casnik: Kněz Wojto, howko, pśi kjarcmje „Złośany plon“, źož rowno stojmej, se wjele tšoj něnto. Wence se twari, wokoło togo chromu su rystungi nastajane, wenkowne sćěny su z izolěrujucymi platami wobłožone. Chrom wuglěda bejnje njegótowy. Wrota su wuzamkane. Ale gaž stupijoš z tymi jadnymi źurjami nutś, ga wobowdajo śi zrazom lubosna śopłota. Kak se to maka?