Kužde lěto w nowemberje jo w źiśownjach w Nimskej źeń pśedcytanja, južo 13 lět. W našych serbskich źiśownjach su ten nałog teke pśewzeli.

Něco rědnego su se za to wumyslili we Witaj-źiśownjoma „Villa Kunterbunt“ a „Mato Rizo“.

We „Villi Kunterbunt“ su se lětosa južo 2. raz wobźělili na tom dnju. (Łoni běšo Erwin Hanuš pśišeł a něco pśedcytał). To jo było we wšyknych styrich kupkach. We jadnej kupce su samo mały źiwadłowy kusk grali! To jo była we kupce „Wuchace“. We njej su źiśi až do 4 lět. Wóni su dožywili tu bajku „Žabjecy kral“. Pśedstajiła jo to tšojenje kněni Skolzenojc. To jo wiźeś na našom wobrazu (górjejce). Źiśi su narske wótkubłarce pśisłuchali. Kněni Skolcenojc jo wótkubłarka we tej kupce. Wótkubłarki drugich kupkow su „swójim“ źiśam teke něco pśedcytali.