PŠAŠATA RĚPA

Ku gódam deje se wu nas rozkwiś gałuzki – pśigótujomy gałuzki swěteje Babuše

Awtor: Stefanie Krawcojc srjoda, 30. nowember 2016
Adwent jo a december – k tomu słušaju škrjokowe gałuzki, jabłuka a płacki. Wišnjowe gałuzki su teke stara tradicija ku gódam. Fota: Stefanie Krawcojc

Lube źiśi,

wjaśeliśo se na gódy? To kuždy cyni. To ale płaśi jano za luźe. Pśiroda (natura) se skerjej wjaseli na nalěto. Na to musy ale hyšći dłujko cakaś! Weto se južo pśigótujo. To jo wiźeś na bomach. Te pupki su južo pśigótowane a wiźeś. Wóni cakaju na nalěto. Luźam napórajo wjasele, gaž doma južo w zymskem casu něco kwiśo. Ja cu rada kwiśecu gałuzku měś. A to pó starej tradiciji ku gódam. Cośo to teke? Ga glědajśo how – tak maśo to cyniś.

Źiśo wen na dnju Barbuše (Barbara) (lětosa 2. adwent, 4.12.). Glědajśo, lěc namakajośo wišnjowy bom. (Druge bomy su teke móžne). Glědajśo, lěc bom ma gałuzku z pupkami. Wótrěžćo abo wótłamśo tu gałuzku. Buźćo rogzlědniwe.

Wišnje budu akle kwisć, gaž jo se južo raz marznuło. Jo wence južo někotare dny zymnjej było ako +5° C? Ně? Toś scyńśo te gałuzki 2-4 dny dłujko do zamarznjeńskeje spižki (Gefrierschrank). Pótom směju zasej wen. Wóni deje se mysliś, až zyma jo mimo a nalěto pśiźo. Togodla deje te gałuzki něnto do škli ze śopłeju wódu. Cełu noc deje tam wóstaś. Pśirěžco te gałuzki pśiduce zajtšo. Scyńśo je do waze. Ta waza njedej ned stojaś we śopłej śpě. Gałuzki deje se wogrěś pómałem.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś