Filmowy festiwal w Chóśebuzu jo pokazał lětosa wjele serbskich filmow, dogromady jo jich 14 było. Kradu nowo wjerśone rowno tak ako take, kótarež „drěmaju“ južo 40 lět w archiwje. Rarity, ako pśisamem nikomu znate su. Pśi tom su pak na kradu wusokem wuměłskem niwowje. A gronje – měrjone na casu DDR – njewótwisnje, co awtor se mysli. Dla togo su někotare filmy Konrada Herrmanna byli teke zakazane abo jano kradu rědko pokazane. 1993 pón su kśěli Serby sami zakazaś, až jogo Film „Leben gegen die Zeit“ se w ORB wusćełajo.