Na Filmowem festiwalu jo měł jaden wideo-clip ze serbskeju muziku premjeru. Měnjony jo filmik „Jo to dosć – Ist das alles?“ wót wuknikow 12. lětnika Dolnoserbskego gymnaziuma (DSG). W ramiku seminarnego kursa DSG z ceptarku Antje Kelloweju su z pomocu rbb pśisamem wšykno sami cynili. Su zgromadnje tekst a muziku napisali a ten spiw w rbb-studio nagrawali. Wjerśił jo ten film za nich młody chóśebuski filmaŕ Stefan Göbel. Bóžko buźo to nejpjerwjej slědny raz, až móžo take něco w zgromadnem źěle z rbb nastaś.

Wótgłos jo był kradu pozitiwny. Jich wašnja, se z temu „serbska identita młodych luźi“ rozestajaś, statkujo fryšna a spšawna. Na part młodych luźi.