Budyšyn/Bautzen. Na pósejźenju Zwězkowego pśedsedarstwa Domowiny 5. nowembra su wó tom powědali, kak dej pla Serbow z nowymi medijami dalej hyś. Rěcny centrum Witaj jo tam pśedstajił projekt „Serbski digitalnje – kšac pó kšacu“. Zaměr jo wuźěłanje pěśich lekcijow serbskeje wucby na digitalny part. Myslony jo nejpjerwjej ako pśidatny wucbny srědk w 5. a 6. lětniku, jo Casnikoju wulicowała wobźěłarka projekta Jadwiga Dyrlichowa. Rownocasnje pak budu te lekcije w interneśe wózjawiś, źož budu dermo pśistupne. Pśez to móžo kuždy doma, ducy a wšuźi z tym se zaběraś. Źěłaś buźo ten program na kuždem digitalnem rěźe – pc, laptop, tablet a smart-phone.
Prědna lěkcija – pismika č a ć – dej skóro gótowa byś a dej se pótom na šulach testowaś. Dogromady jo pěś lekcijow planowanych, hyšći dwě pšawopisnej a dwě gramatiskej. Wót nowego šulskego lěta dej se prědny źěl móc južo wužywaś.