Grodk/Spremberg. Dobywanje brunice buźo nanejpózdźej za 15 lět wobgrozyś pódzemske składy wódy k piśeju we wokolnosći wódarnje (Wasserwerk) we Słomjeńskich Kutach (Slamener Kuthen) pśi bramborsko-sakskej granicy. Šesć studnjow, kótarež libruju tudy 4.000 m³ wódy na źeń, budu musaś toś zastaś źěłaś. Na jich město deje stupiś styri nowe studnje z tym samym wugbanim, lažece we wokolnosći Łojowa (Groß Luja), we tak pomjenjonej Błobošojskej renje.