Rědna „Noc muzejow“ teke w Dešnje

Awtor: Stefanie Krawcojc srjoda, 21. september 2016

Dešno/Dissen. Pśedslědny kóńc tyźenja su w našych jsach pšosyli na „Noc muzejow we Łužyskej muzejowej krajinje“. W Dešańskem domowniskem muzeju su pśi tej góźbje wugótowali wjacor pód motom „Irska muzika starcy na domacne rucnikarstwo“. Ako Kornelius Kuš wót togo muzeja jo gronił, njejo pśemało luźi pśišło na to zarědowanje. Muzika jo pśišła wót irskeje kapały „celtic affair“. Teke jěza jo była irska, změšane warjenje z měsom. Ale vegansku zupu su luźam z wjelikego kótła rozdawali. Tak mócowane su se luźe mógali se we měrje woglědaś rucnikarje, kenž su źěłali „pó starem nałogu“. To wšykno su natwarili pśed muzejom.

Wustajeńca „Stary lud“ jo na tom wjacorju była zacynjona. To kowarjenje jo tam pokazał Kornelius Kuš. Powrjoznik jo na „Reeperbahn“ wugótował powrjozy z kónopjow.

Tocaŕ jo teke pódla był. Wón jo Dešanarjam wopšawźe wóstśił jich nože, apki a nožyce. (Do togo su luźam we jsy gronili, až deje swój rězański rěd sobu pśinjasć). Ten tocaŕ jo był Kai Jensen, gósć z Dańskeje.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś