Sakske statne ministarstwo za wědomnosć a wuměłstwo kazašo serbskej a nimskej zjawnosći na pětk, 16. september 2016, do Kloštarskeje cerkwje w Kamjeńcu, aby se Zejlerjowe myto za wjelicne wugbaśa za serbsku rěc pśepódało. Lětosna lawreatka myta jo serbska wědmnostnica a lektorka kněni dr. Irena Šěrakowa we swójom 75. žywjeńskem lěśe.
Sakska ministarka za wědomnosć a wuměłstwo, dr. Eva-Maria Stange, pokaza we swójich postrownych słowach na wuznamny žywjeński statk dr. Šěrakoweje za serbsku rěc. Jadnarka Ludowego nakładnistwa Domowina, kněni Marka Maćijowa, cesćašo kn. Dr. Šěrakowu we swójej lawdaciji teke ako lektorku za dolnoserbsku rěc.