Strobice: Martin Zimmermann jo šesty raz žnjowny kral

Awtor: Michael Helbig srjoda, 31. awgust 2016
Prědny kral w Strobicach: 25lětny Martin Zimmermann na kobyle Lotti. Wón jo nazgónjony rejtaŕ: jadnasty raz pódla a šesty raz kral. Foto: M. H.

Strobice/Ströbitz. Sobotu tyźeń su tudy na Šułtkojc roli łapali kokota. Tu cesć žnjownego krala jo dobył nazgónjony rejtaŕ: Martin Zimmermann na kobyle Lotti z gołkojskeje rejtarnje Pintos Point. To jo był južo 11. kokot, na kótaremž wón jo se wobźělił. Ten kral jo 25 lět stary a źěła ako mechatronikaŕ pla Nimskeje zeleznice.

Akle pó wjele rundach stej młodej rejtarja Max Běla (Behla) a Jonas Hagen kokotowej kśidli wótryłej. Ten slědny jo był wjelgin gjardy na swójo wugbanje, pśeto wón jo był akle prědny raz na kokośe pódla. „To jo było wjelgin napinajuce, ale jo mě napórało wjele frejdy“, jo nam gronił. A pśidał: „Snaź budu pśiduce lěto prědny kral. Ale wjele wažnjejše jo, až wšykne gromaźe se wjaselimy a mamy frejdu na kokośe“.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś