Ku swětkownym protestam a wugótowanjeju pśichoda Łužyce jo źewjeś wobswětowych organizacijow zjawny list pisało na komunalne zastupniki. Mjazy nimi su Alianca za Wjelcej, Attac Chóśebuz, Zwězk Ende Gelände, Zwězk Strukturnu změnu nětko – žane Wochozy II!, Zeleny pśichod Wjelcej, Łužyski camp, Łužyska alianca, Robin Wood Chóśebuz a Wobswětowa kupka Chóśebuz. Pśicyna jo to agěrowanje tak pomjenowaneje „Lausitzrunde“. Tam su wšake regionalne zastupniki a politikarje organizěrowane. Gremium jo iniciěrowany wót towaristwa „Pro Lausitzer Braunkohle“. Awtory zjawnego lista njenaglědaju ten gremium ako legtiměrowany, aby za wše Łužycanarje powědał. Nawopak: za jich zdaśim dejali wše tudejšne luźe namakaś wótegrono na to centralne pšašanje: „Co buźo how pó casu wudobywanja brunice?“ a nic za zacynjonymi źurajmi. („Lausitzrunde“ jo pśed chylu spisała list na kanclarku A. Merkelowu, w kótaremž pišu, až wšykne Łužycanarje stoje za brunicu.