Tej parli, abo lěpjej: parlicce, groni se Łagów (na nimske Lagow). Ta městnosć – něga městaško, něnto wjas – lažy kradu we srjejźi lubuskego regiona, we jazoratej stronje, w bukowej góli, 5 km wót awtobony A2 a blisko ekspresoweje drogi S3.

Bóžko, rownož awtobona wjeźo jano pěś kilomejtarjow pódla Łagowa mimo, ga musyš weto slědne 20 km pó normalnej droze E20 jěś. Pśeto tej nejblišej wojězda z awtobony stej jadnab 20 km wót Łagowa daloko: k pódwjacoru pla města Torzym, k pódzajtšu pla města Świebodzin. We pśichoźe dej how ned pla Łagowa jaden wojězd z awtobony nastaś. Ale gósćam jo to tuchylu wšojadno: w Łagowje, kótaryž žedne měsćańske pšawa njama a jo stakim oficielnje wjas, na gósćach njebrachujo.

*