Historija Nowego Casnika (6)
• „Bój se Boga, cesć togo krala“ (1848–1918) (1)
• „Bój se Boga, cesć togo krala“ (1848–1918) (2)
• Mjazy wójnoma (1921–1933)
• Dwójaki „tužny kóńc“ (1933)
• Cas socializma (pó 1945 až do 1990)
• Pó politiskem pśewrośenju (pó 1990)
Pó politiskem pśewrośenju
Nowy Casnik w lichotnej towarišnosći
Horst Adam, kenž jo źěłał 42 lět ako redaktor Nowego Casnika
Wót casa pśewrośenja ma Nowy Casnik źinsajšne woblico. Wón rozpšawja wó wšyknych aspektach serbskego žywjenja w Dolnej Łužycy. K tomu słuša źěło towaristwow, mjeńšynowa politika na europskej, zwězkowej, krajnej a komunalnej rowninje, problemy šulstwa, rolnikarstwo, rucnikarstwo, potrety serbskich luźi, zarědowanja, ludowe nałogi, serbska literatura, wuměłstwo a muzika; problemy wobswěta, natury a brunicowego górnistwa (Braunkohle-Bergbau), reportaže ze jsow, tematiske reportaže a wjele drugego.
W lěśe 2004 jo šeł Horst Adam na zasłužony wuměńk – pó 42 lětach ako redaktor Nowego Casnika (wót togo 31 slědnych lět ako šefredaktor).
Źinsa źěłaju w redakciji tśo redaktory a dalšnej dwa sobuźěłaśerja matej na starosći zestajanje casnika, sekretarske źěło a wótbywanje.
Gregor Wieczorek, šefredaktor Nowego Casnika wót lěta 2006
Redakcija Nowego Casnika źěkujo se Serbskemu institutoju w Chóśebuzu za to, až jo nam scany starych wudaśow Serbskego Casnika k dispoziciji stajił a zmóžnił rešeršu w tekstowem korpusu.
[ górjej ]