15.06.2010

Źeń wótbagrowanych jsow. Lětosa su wopominali Tšawnicu.

Domowina organizěrujo kužde lěto Źeń wótbagrowanych jsow. Kužde lěto spominaju drugu wjas a wugótuju na jeje něgajšnych gruntach taki pšawy swěźeń. Slědnu sobotu jo se take stało srjejź Jamy Chóśebuz-Połnoc, na něgajšnych gruntach Tšawnice. Srjejź pusćiny jo se pśinamakała radna mań luźi. Wótekšyli su informacisku toflu a wopomnjeński kamjeń. [ k fotam ]

-
03.05.2010

Źiśi stajaju majski bom w Prjawozu

Chtož jěźo pśi najsy mimo, buźo tudy wumarkowaś dwa majskej boma! Wjednik Prjawoskeje młoźiny Christian Doman jo pśišeł na tu ideju, až dej se teke tym źiśam majski bom stajaś. Na ten part kśě źiśi za woplěwanje nałogow a źěło w młoźinje zagóriś. Kak jo to stajanje boma se pśewjadło, to móžośo wiźeś how. [ k fotam ]

-
02.03.2010

Zapust w Barbuce

Teasertekst galerije ... [ k fotam ]

-
24.02.2010

Z njebja jo se kidało, w Dešnje su weto zapustowali

115 pórow jo se wobźěliło na tom jubilejnem 130. zapusće w Dešnje. Prima lawna, wjasołosć a wjeliki ruš - tudejšny zapust słuša k nejrědnjejšym w Dolnej Łužycy. [ k fotam ]

-
09.02.2010

Turjej: Šołtowka jo sebje stajiła lapu swójeje mamy

Teasertekst galerije ... [ k fotam ]

-
09.02.2010

Janšojce: Połterne su se pśebažnjali ze znaśami serbskeje rěcy

Janšojce/Jänschwalde. „Gaby my w na­šom młodem casu tak rozwlacone šli na zapusće, ga pón by nas ten wjednik ned wuflinkał!“ – jo wiła z głowu Lowiza Freitagowa, wiźecy, až ta smuga zapusta­rjow jo se rozpušćiła a kuždy pórik ženjo za se. [ k fotam ]

-
08.02.2010

Wjerbno: Z fiolchenoweju lapu a cypjelom na zapust

Teasertekst galerije ... [ k fotam ]

-
08.02.2010

Pśiłuk: Wino, tykańc a póscynjane skiby

Tudy su ženjone a fryjne njeźelu tyźeń gromaźe swěśili jubilejny, 125. zapust, na kótaremž jo se wobźěliło 62 pórow. Móžo byś, až młogemu se zda, až to njejo wjele, ale za wjas, ako ma jano 400 wobydlarjow móžo taka gromada se južo daś wiźeś. Až njejo jich było wěcej, jo snaź lěpjej – pśeto teliko zapustarjow pśemógu te góspodarje hyšći někak góspodowaś. Pśi hundert abo wěcej pórach njeby to było wěcej móžno. [ k fotam ]

-
28.09.2009

10. superkokot w Běłej Górje

Jo, kokot jo kšasna wěc, wósebnje ten slědny na kóńcu "kokotoweje sezony". Tenraz su łapali kokota pśi rědnučkem nazymskem wjedrje. Glědajśo źe sami! [ k fotam ]

-
18.08.2009

30. kokot w Turjeju

Turjej/Tauer. Slědny kóńc tyźenja su wobydlarje jsy wugótowali kšasny žnjowny swěźeń, ako jo trał tśi dny. Wjerašk jo był njeźelu, źož su pśi linjecem wjedrje łapali kokota. Moderěrował jo znaty moderator rbb Attila Weidemann, znaty w Bramborskej ako ten "smalecy reportaŕ". How smy zapópadnuli nejrědnjejše wokognuśa. [ k fotam ]

-
21.07.2009

Rěcny campus w Hochozy

Rěcny campus Šule za dolnoserbsku rěc a kulturu 16. a 17. julija w Hochozy jo był za tych 13 wobźělnikow rědne a pówucne dožywjenje. Wobźělniki campusa su se zmakali pla maminorěcnych Hochzarjow doma, a su se tam rozgranjali. [ k fotam ]

-
07.07.2009

Festiwal "Łužyca" w Hochozy

Daloki, pisany swět jo póbył jaden źeń w Hochozy! Barwojty swěźeń, naotarymž jo se spiwało, rejowało a grało. How žedne fotowe impresije... [ k fotam ]

-
05.05.2009

Dolnoserbski gymnazium: Kóńc šulskego lěta za tśinastkarje

Sedym abo pěś lět su wóni kuždy źeń sedali do šulskeje ławki... Něnto jo pśišeł cas rozžognowanja ze šulu, wucabnikami a kumpanami. Pśi tej góźbje su tśinastkarje wugótowali na šulskem dwórje pisany swěźeńk. Wšo dobre Wam, lube absolwenty! A wóstańśo tomu serbskemu zwěrne! [ k fotam ]

-
05.05.2009

Stajanje majskego boma w Depsku

Južo k drugem razoju jo to nowe Tradiciske towaristwo za Depsk, Majberg a Škódow wugótowało domowniski swěźeń. Ten jo se zachopił stwórtk, 30. apryla wótpołdnja ze stajanim majskego boma pśi sportnišću w Depsku. How móžośo jo hyšći raz dolabowaś! [ k fotam ]

-
05.05.2009

Volleyballowy turněr Domowiny

Wó pokal Domowiny jo grało šesć mustwow we turnowarne Dolnoserbskego gymnaziuma. Su to byli mustwa z Dešna, Rogozna a Žylojske źowća, mustwo Dolnoserbskego gymnazium, mustwo serbskich studentow Sokoł a Vattenfallowe mustwo. Serbske studenty su dobyli. Fota: Ines Neumannojc [ k fotam ]

-
31.03.2009

14. głowna zgromaźina Domowiny w Chrósćicach

Až głowna zgromaźina Domowiny njemusy tak wótběgnuś, ako jo to zaprědka planowane, to smy dožywili slědnu sobotu. Doněntejšny pśedsedaŕ Jan Nuk njejo kśěł kandiděrowaś hyšći raz. [ k fotam ]

-
03.03.2009

Zapust w Barbuce

Małki zapust, na kótaremž jo se wobźěliło "jano" 13 pórikow, ale weto wjelgin rědny! How jo naša foto-reportaža... [ k fotam ]

-
03.03.2009

Zapust w Dešnje!

Połmjasec, rědne źowća, kjarcma "Serbski dwór" a cerkwiny torm - to su znamjenja Dešańskego zapusta. How móžośo se woglědaś te rědnjejše bildki, ako smy na tom dnju wótmólowali. [ k fotam ]

-
24.02.2009

Kšasny zapust w Hochozy!

34 pórow a wjelgin dobra lawna a atmosfera - tak móžoš jadnej saźe wopisaś zapust w Hochozy pśedslědny kóńc tyźenja. How małki wuběrk našych fotow, kótarež smy na tom zapusće wótmólowali! [ k fotam ]

-
10.02.2009

125. zapust w Depsku

Wjelicki swěźeń, ak su Depsčanarje slědnu njeźelu swěśili! 120 pórow jo šło w pśeśěgu, a ceła wjas jo była na nogach. Zapustarje su gnali wót jadnogo kóńca jsy k drugemu, a teke te nowe chromy (sedlišćo pśi Sprjewinem wokłonje) njejsu wuwóstajili. Wó tom buźo se dłujcko powědaś. How jo naša fotowa reportaža! (wšykne fota: G. W.) [ k fotam ]

-
03.02.2009

Zapust Dolnoserbskego gymnaziuma

Wjeliki zogol, pyšny naglěd a wjasoła atmosfera – tak se móžo zapustojski pśeśěg serbskich gymnaziastow krotko wopisaś. Zajźonu srjodu su zapustarje śěgnuli pśez město, woglědajucy do serbskich institucijow a k wjelim pśedewześarjam. Měsćanarje su se za tym pyšnym towaristwom woglědowali. Žeden źiw, glědajśo źe sami! [ k fotam ]

-
20.01.2009

10 lět zapust Kita w Prjawozu

Swój 10. zapust su swěśili źowća a gólcy Kita „Małe myški” 18. januar. Jadnasćo pórikow jo pód nawjedowanim Patricka Meintza (8) a kapały „Plonowa combo” w pśeśěgu pó jsy rušowało. Patrick, ako chójźi w Kita do horta, jo gjarźe klampawu njasł. W pśiducnem lěśe njesmějo starstwa dla se wěcej wobźěliś na źiśecem zapusće. [ k fotam ]

-
13.01.2009

Kronika starego lěta

Łoni jo se wjele tšojło w serbskej Łužycy! Nejrědnjejše wokognuśa zapópadnjone z fotoaparatom wót našych redaktorow móžośo sebje woglědaś how! W aktualnem Casniku namakajośo kroniku starego lěta ze zapisom nejwažnjejšych tšojenjow. [ k fotam ]

-
-